විකෘතියට එරෙහිව

 බුදු රදුන් ලංකාවේ බව පවසන සාක්ෂි වල මිත්‍යාව. අංක 20 බුදු රදුන් ලංකාවේ බව පවසන පිරිස ඒ බව තහවුරු කිරීමටත් ඉන්දියාවේ නොවන බව පෙන්වීමට ත් ප්‍රකාශ 10ක් ඉදිරිපත් කර ඇත.  මෙම ප්‍රකාශ විමසා බැලීමට ප්‍රථමයෙන් ඔබ සැමගේ අවධානය මෙම ප්‍රකාශ වල ඇති සුවිශේෂී කරුණක් කෙරෙහි යොමු කිරීමට කැමැත්තෙමි. මෙම ප්‍රකාශ සියල්ලේම බුදු රදුන් හැඳින්වීමට බුදු රදුන්, බුදු රජාණන් වහන්සේ හෝ බුදු හාමුදුරුවන් වැනි ගෞරව නිය වදන් වෙනුවට "බුදුන්" යනුවෙන් පමණක් භාවිතා කර ඇත.  ඒ ඇයි?? සිතා බලන්න මඳක්..... දැන් මේ ප්‍රකාශ 10 සත්‍ය අසත්‍ය බව පිළිවෙලින් සලකා බලමු.  1. ඉන්දියාවේ පිරිසිදු බුදු දහම නැත.  ගෞතම බුදු රජාණන් වහන්සේ බුද්ධත්වය ලබා ජීවමානව වැඩ සිට වසර 45 බුදු දහම දේශනා කළ, සැරියුත් මුගලන් අග්‍රශ්‍රාවක දෙනම ප්‍රමුඛ අසූමහා ශ්‍රාවකයන් වැඩ සිට ධර්ම දේශනා කළ, පළමු දෙවන හා තෙවන ධර්ම සංගායනා සිදුකළ, එතැන් සිට ලංකාවට ද ථෙරවාදී බුදු දහම සහ ත්‍රිපිටකය ලබාදුන් භූමියක පිරිසිදු බුදු දහම පැවතියේ නැතැයි පැවසීම විහිළුවකි. එසේම මෙතෙක් සොයාගෙන ඇති පැරණිම ත්‍රිපිටක ලේඛන වන ක්‍රිව පළවෙනි සියවසට පමණ අයත් Gandhariyan ...

බුදු රදුන් ලංකාවේ බව පවසන සාක්ෂි වල මිත්‍යාව. අංක 06 බෞද්ධ සංකේත... පසුගිය කාලය පුරාවටම බෞද්ධ සංකේත අවබාවිතා කරමින් ඉතාම වැරදි ආකාරයට අර්ථ දක්වමින් ජෛන සංකේත ලෙස බෞද්ධ සංකේත හංවඩු ගසමින් ඇතැම් පිරිස් වැරදි මතයක් සමාජ ගත කිරීමට උත්සාහ කරන ලදී. එයට පිළිතුරක් ලෙස මේ බෞද්ධ සංකේත පිළිබඳ විග්‍රහය ඉදරිපත් කරමි. 1. චක්‍ර සංකේතය. බුදු සමයට පෙර ඇත අතීතයේ සිටම ආගමික සංකේතයක් ලෙස භාවිතා කළ චක්‍රය විවිධ ස්වරූප වලින් විවිධ අර්ථ ඉදිරිපත් කිරීමට බුදු දහම තුළ යොදාගෙන ඇත.  චක්‍රය ප්‍රධාන අර්ථ දෙකකින් බුදු සාමය තුළ බාවිත කර ඇත. a) චක්‍රය නම් ලාංඡනය - සක්විති රජුගේ චක්‍ර රත්නය, බුදු රදුන්ගේ ශ්‍රී පතුලේ චක්‍ර ලකුණ, රථ රෝදය වැනි රූපාකාර වූ උපකරණයක් හෙවත් ලාංඡනයක් සේ යොදා ගැනීම b) ධර්ම කරුණු වල සංකේතාර්ථ ලෙස බුදු රදුන් චක්‍රය දේශනා වල යොදා ගැනීමයි. එනම් අටලෝ දහම, සංසාර චක්‍රය, සාධාරණ යහපත් පාලනය, අඥා චක්‍රය හා චතුරාර්ය සත්‍ය වැනි උපමා ලෙසයි. ඉන්දියාවේ බෞද්ධ කැටයම් වල බුදු රදුන් චක්‍රය අතින් කරකවමින් වැඩ සිටින ආකාරය දක්වා ඇති අතර එය ඉතාම වැදගත් සංකල්පයක් නිරූපණය කරයි. එහිදී චක්‍රය මගින් සමස්ත මානව සංස්කෘත...

 බුදු රදුන් ලංකාවේ බව පවසන සාක්ෂි වල මිත්‍යාව. අංක 05 බුදු රදුන් වැඩ සිටි දඹදිව කෝසල ජනපදයට අයත් සැවැත් නුවර (නූතන ඉන්දියාවේ ශ්‍රාවස්ති) පිහිටි ජේතවනාරාමය ලංකාවේ රිටිගල බව පවසන මොවුන් එය තහවුරු කිරීමට විකෘති කළ සාක්ෂි ඉදිරිපත් කරයි.  කුමක්ද ඔවුන් පවසන්නේ. 1. රිටිගල සෙල් ලිපි වල බඹදත් හා සෝණ යන නම් සඳහන් කර ඇත. 2. සූත්‍ර පිටකයේ සංයුක්ත නිකායේ ඛන්ධවග්ගයෙහි, ඛන්ධසංයුත්තයෙහි සෝණ සූත්‍රයේ සෝණ නම් ගෘහපතියා බුදු රදුන් හමුවේ ධර්මය ශ්‍රවණය කළ බව සඳහන් වේ.  මේ කරුණු දෙක එකට සම්බන්ධ කරන මොවුන් රිටිගල යනු බුදු රදුන් වැඩ සිටි ජේතවනාරාමය බැව් පවසයි. දැන් අපි මේ කරුණු එකින් එක විමසා බලමු. 1.) රිටිගල සෙල් ලිපි අතරින් අංක ඒක ලෙන් ලිපිය හා අංක දෙක ගිරි ලිපිය ලෙස හඳුන්වන ලිපියේ "මහමත බඹදත පුත" ලෙස සටහන් වන අතර එහි තේරුම "මහාමාත්‍ය බඹදත් ගේ පුත්‍ර" යන්නයි.  2. බ්‍රහ්මදත්ත රජු මිස එනමින් බුද්ධ කාලයේ විසූ මහාමාත්‍ය කෙනෙකුන් ගැන සඳහනක් ත්‍රිපිටකය හෝ බෞද්ධ සාහිත්‍යය සඳහන් නොකරන අතර එබැවින් මේ මහාමාත්‍ය බඹදත් යන්න ත්‍රිපිටකයේ හා බෞද්ධ සාහිත්‍යයේ සඳහන් බඹදත් රජු නොවන බව තහවුරු වේ. 3. සෝන ලෙස...

 බුදු රදුන් ලංකාවේ බව පැවසීමට ඉදිරිපත් කරන සාක්ෂි වල මිත්‍යාව. අංක 04. මොවුන් විසින් ඉදිරිපත් කළ ඉන්දියාවේ ජනපද සහිත මේ ලංකා සිතියමේ මිත්‍යාව හෙළි කළ පසු තව දුරටත් එය ඉදිරිපත් කළ නොහැකි බැවින් වෙනත් සිතියමක් ඉදිරිපත් කර ඇත.  මුලින් ඉදිරිපත් කළ සිතියම. පසුව ඉදිරිපත් කළ සිතියම. මෙම සිතියමෙහි ද කලින් ප්‍රශ්න කළ මිථ්‍යාවන් සියල්ල ඇති අතර ඊට අමතරව මෙහි ලංකා සීතියමද විකෘති කර ඇත. එහි කිසිදු බුද්ධ දේශනාවක සඳහන් නොවන ඊනියා මිත්‍යා මතයක් වන බුද්ධ ශක්ති රේඛාවක බුදු රදුන් ඉපදුන, බුදු උන, ප්‍රථම ධර්ම දේශනා කළ හා පිරිනිවන් පෑ ස්ථාන ලෙස ඔවුන් හඳුන්වන ව්‍යාජ ස්ථාන පිහිටුවීමට දැඩි අයාසයක් ගෙන ලංකා සිතියමද විකෘති කර තිබේ. එම ස්ථාන එකම රේඛාවක නොපිහිටන බව කලින් පොස්ටුවක ඔවුන්ගේම සිතියම අනුව පෙන්වා දුන් පසු මෙලෙස ලංකා සිතියම විකෘත කර එම ස්ථාන වල පිහිටීම වෙනස් කර ඒක රේඛාවක ට ගෙන ඇත.  සිතියමේ අදාල කොටස් ගුගුල් මැප් එකෙහි අදාල කොටස් සමග සසඳා බැලීමෙන් මේ විකෘතියේ තරම වටහා ගත හැක.  ඉසින්බෑස්සගල  හිරිවඩුන්න  බඹරගල  එසේම මේ ස්ථාන හතර ඒක රේඛාවක නොමැති බව මේ ගූගල් මැප් එකේ ඡායාරූප...

 බුදු රදුන් ලංකාවේ බව පවසන සාක්ෂි වල මිත්‍යාව අංක - 03 ඉන්දසාල ගුහාව. බුදු රදුන් ලංකාවේ බව පැවසීමට මේ පිරිස ඉදිරිපත් කරන ප්‍රබල සාක්ෂියක් ලෙස සලකන්නේ ලංකාවේ බඹරගල පිහිටි ගල් ගුහාවක ඉන්දසාල ගුහා නමින් සෙල් ලිපි සඳහනක් තිබීමයි. ඒ සඳහා 1. බඹරගල ඉන්දසාල ගුහා නම් සෙල් ලිපි සටහන. 2. ප්‍රාචීන නම් රජු පිළිබඳ යැයි කියන සෙල් ලිපි සටහන්. 3. සූත්‍ර පිටකයේ දීඝ නිකායේ මහාවග්ගයෙහි සක්කපඤ්හ ත්‍රිපිටක සූත්‍ර දේශනාව. මෙන්න මේ කරුණු තුන විකෘති කර ඒකට ගැට ගසා බුදු රදුන් සූත්‍ර දේශනා කළ ඉන්දසාල ගුහාව මෙය බව පෙන්වීමට මොවුන් උත්සාහ කරයි.  කුමක්ද මොවුන් කරන විකෘතිය?? 1. ඉන්දසාල ගුහා යන නම සටහන් කළ ගුහාවක් මෙහි ඇති බව සත්‍යයකි. ( මෙය ලංකාවේ ඇති තවත් ඉන්දසාල නම් ලද ගුහා කිහිපය අතරින් එකකී). මෙම සෙල් ලිපිය දකුණේ සිට වමට කියවිය යුතු සෙල් ලිපියක් වීම විශේෂත්වයකි.  2. පොචනි නම් රජු ගැන සඳහන් සෙල් ලිපිද එහි ඇති බව සත්‍යයකි. 3. පොචනි රජු හා ඉන්දසාල ගුහාව අතර සම්බන්ධය කුමක්ද?? විකෘතිය පටන් ගන්නේ මෙතැන් සිටය. සක්කපඤ්හ සූත්‍රය ඔවුන් විකෘති කර භාවිතා කරන්නේ මේ ඉන්දසාල ගුහාවේ බුදු රදුන් වැඩ සිට සූත්‍ර දේශනා ...