විකෘතියට එරෙහිව

බාහිය දාරුචීරිය රහතන් වහන්සේගේ කතාව. බුදු රදුන් ලංකාවේ බව පවසන සාක්ෂි වල මිත්‍යාව - අංක 19 බාහිය දාරුචීරිය රහතන් වහන්සේ රහත් වීමට පෙර බුදු රදුන් සොයා සුප්පාරක සිට පැමිණි ගමන ගැන සඳහනක් උපුටා දක්වන මේ පිරිස a) උන්වහන්සේ එක් දිනකින් සුප්පාරක සිට සැවැත් නුවරට ඒක රැයකින් ගමන් කර ඇති බව දක්වයි. b) ඒ්වැනී දුරක් ඒක රැයකින් ගමන් කළ නොහැකි බව පවසයි. c) එබැවින් මේ ඉන්දියාවේ නොවන බවත් ලංකාවේ බවත් ප්‍රකාශ කරයි. මේ සත්‍ය ද?? බාහිය දාරුචිරිය තෙරුන් වහන්සේගේ කතාව ත්‍රිපිටකයේ ඛුද්දක නිකායේ උදාන පාළියේ බෝධි වර්ගයේ ඇති බාහිය සූත්‍රයේ පැහැදිලිව සඳහන් කර ඇත. එහි සුප්පාරක සිට සැවැත් නුවරට ගමන් ගත් අයුරු සඳහන් වන අතර එහි පැහැදිලිව මෙසේ සඳහන් කර ඇත. "ඉක්බිති බාහිය දාරුචීරිය තෙමේ ඒ දෙවතාවා විසින් යොදවන ලද්දේ එකෙනෙහිම සුප්පාරක ජනපදයෙන් පිටත් වූයේය. සියලු තන්හි එක් රැයක් පමණක් විසීමෙන් යම් තැනක සැවත් නුවර අනේපිඩු සිටාණන් විසින් කරවන ලද ජේතවනාරාමයෙහි භාග්‍යවතුන් වහන්සේ වාසය කරණ සේක්ද එහි පැමිණියේය". පාලි පෙළ. "අථ ඛො බාහියො දාරුචීරියො තාය දෙවතාය සංවෙජිතො තාවදෙව සුප්පාරකම්හා පක්කාමි. සබ්බත්ථ එකරත්ති...

ගෝතම ශමන යනුවෙන් සෙල් ලිපිවල සඳහන් වන්නේ බුදු රජාණන් වහන්සේ ද?? බුදු රදුන් ලංකාවේ බව පවසන සාක්ෂි වල මිත්‍යාව අංක -18 බුදුරදුන් ලංකාවේ බව පවසන කණ්ඩායම් ගෝතම ශමන යනුවෙන් ඇති සෙල් ලිපියක් ඉදිරිපත් කරමින් ඒ බුදු රදුන් හට පූජා කළ ලෙනක් බවත් බුදු රදුන්ට පූජා කළ ළෙනක් ඇත්තේ බුදු රදුන් ලංකාවේ නිසා බවත් පවසමින් මතයක් ඇති කිරීමට දැඩි උත්සාහයක් දරමින් සිටියි. මෙම කරුණ පිළිබඳව පිළිගත් පුරාවිද්‍යා ග්‍රන්ථ සහ මූලාශ්‍ර ඇසුරින් සලකා බලමු.  ප්‍රථමයෙන් ම කිවයුතු කරුණ නම් මේ සෙල් ලිපි සියල්ල ක්‍රිපූ තුන්වන සියවසෙන් පසු එනම් බුදු රදුන් වැඩ සිටි කාලයෙන් ශතවර්ෂ තුනකට පමණ පසුව කළ සෙල් ලිපි වන බවයි. එබැවින් බුදු රදුන්ට හෝ බුදු රදුන් ජීවමාන කළ සිටි ශ්‍රාවකයන් ගේ නමින් හෝ එම ශ්‍රාවකයන් ට ලෙන් පූජා කළ බවට සඳහන් සෙල් ලිපි ඇති බව පැවසීම සම්පූර්ණ මිත්‍යා ප්‍රකාශයකි. බුදු රදුන් ජීවමාන කළ සිටි ශ්‍රාවකයන්ගේ නම් ඇති භික්ෂූන් වහන්සේලා පසුකාලීනව වැඩ සිටි අතර එම පසු කාලීන භික්ෂූන් වහන්සේලා ගේ නම් සඳහන් සෙල් ලිපි බුදු රදුන් ජීවමාන කළ සිටි ශ්‍රාවකයන් ගේ බවට හුවා දක්වමින් මේ පිළිබඳ සත්‍ය නොදන...

රත්න ප්‍රාසාදය පිළිබඳ සත්‍ය කතාව. බුදු රදුන් ලංකාවේ බව පවසන සාක්ෂි වල මිත්‍යාව අංක 17.  බුදු රදුන් ලංකාවේ බව පවසන පිරිස අනුරාධපුරයේ ඇති රත්න ප්‍රාසාදය සැවැත් නුවර පිහිටි විශාකා උපාසිකාව බුදු රදුන්ට පූජා කළ පූර්වාරාමය බව ප්‍රකාශ කරමින් සිටියි. මෙහි ඇත්ත කුමක්ද? රත්න ප්‍රාසාදය යනු කුමක්ද? සොයා බලමු.. 1. අභයගිරි චෛත්‍ය හා අභයගිරි විහාරය ඉදිකරන ලද්දේ වළගම්බා රජු විසින් ඔහුගේ දෙවන රාජ්‍යත්ව කාලයේදී ( ක්‍රිපූ 89- 77) බව දීපවංශයේ හා මහාවංශයේ සඳහන් වෙයි. 2. එසේම මහාවංශයට අනුව වළගම්බා රජු අභයගිරි විහාරය මෙහි ඉදිකරේ එම ස්ථානයේ පිහිටි පණ්ඩුකාභය රජතුමා ඉදිකළ ගිරි නම් නිගණ්ඨ යාගේ ආරාමය ඉවත් කර බවද සඳහන් වෙයි. 3. මෙම අභයගිරි විහාර සංකීර්ණයට අයත් රත්න ප්‍රාසාදය කනිටුතිස්ස රජු (ක්‍රිව 167-186) විසින් ඉදිකරන ලද බව ද මහාවංශය තහවුරු කරයි. 4. මෙම විහාර සංකීර්ණය හා රත්න ප්‍රාසාදය ගජබාහු, දෙවන හා හතරවන මිහිඳු රජවරුන් විසින් අළුත් වැඩිය කරන ලද බවත් ඉතිහාස මූලාශ්‍ර සඳහන් කරයි. 5. අභයගිරි විහාර සංකීර්ණය තුළ ක්‍රිපූ 1 වන සියවසේ සිට ක්‍රිව 11 වන සියවස දක...

ජම්බුද්වීපය ගැන අභිලේඛන සටහන් බුදු රදුන් ලංකාවේ බව පවසන සාක්ෂි වල මිත්‍යාව අංක - 16 බුදු රදුන් ලංකාවේ බව පවසන පිරිස ගෙන එන සුලභ තර්කයක් නම් ඉන්දියාවට ජම්බුද්වීපය යනුවෙන් ව්‍යවහාර කර නැති බවත් සුද්දා ඒමට පෙර එසේ කළ බවට සාක්ෂි නොමැති බවත් යනුවෙනි. එම කරුන සත්‍ය ද? ඉන්දියාවට ජම්බුද්වීපය යනුවෙන් කළ සඳහන් නැද්ද? ඉන්දියාවට ජම්බුද්වීපය කියා කිව්වේ සුද්දා අවට පසුද??  මේ ගැන පිළිතුරු දීමට පෙර පහත කරුණු සලකා බලමු. 1. සිද්ධපුර අශෝක සෙල් ලිපි අංක 1. ක්‍රිපූ තුන්වන සියවසට අයත් අශෝක රජු විසින් කරවන ලද බ්‍රාහ්මී අක්ෂර වලින් යුත් මෙම සෙල් ලිපි වලද ජම්බුද්වීපය ගැන සඳහන් වේ. ( Epigraphia Indica volume 3 පිටු අංක 138-140) 2. ජාබල්පූර් තඹ සන්නස. ඉන්දියාවේ මධ්‍ය ප්‍රදේශයට අයත් ජාබල්පුර් (jabalpur) පෞරාණික නගරයෙන් සොයාගත් ක්‍රිව 12 වන සියවසට අයත් යසකර්ණදේව රජුට අයත් සංස්කෘත බසින් ලියවුනු මෙම තඹ සන්නස ජම්බුද්වීපය ගැන සඳහන් කරයි. ( Epigraphia Indica Volume two. පිටු අංක 6 සහ Epigraphia Indica volume 15 part 2 - පිටු අංක 6) 3. Khalimpur ඵලකය. ක්‍රි...