ජම්බුද්වීපය පිළිබඳ අභිලේඛන සටහන්
ජම්බුද්වීපය ගැන අභිලේඛන සටහන්
බුදු රදුන් ලංකාවේ බව පවසන සාක්ෂි වල මිත්‍යාව අංක - 16
බුදු රදුන් ලංකාවේ බව පවසන පිරිස ගෙන එන සුලභ තර්කයක් නම් ඉන්දියාවට ජම්බුද්වීපය යනුවෙන් ව්‍යවහාර කර නැති බවත් සුද්දා ඒමට පෙර එසේ කළ බවට සාක්ෂි නොමැති බවත් යනුවෙනි.
එම කරුන සත්‍ය ද?
ඉන්දියාවට ජම්බුද්වීපය යනුවෙන් කළ සඳහන් නැද්ද?
ඉන්දියාවට ජම්බුද්වීපය කියා කිව්වේ සුද්දා අවට පසුද??
මේ ගැන පිළිතුරු දීමට පෙර පහත කරුණු සලකා බලමු.
1. සිද්ධපුර අශෝක සෙල් ලිපි අංක 1.
ක්‍රිපූ තුන්වන සියවසට අයත් අශෝක රජු විසින් කරවන ලද බ්‍රාහ්මී අක්ෂර වලින් යුත් මෙම සෙල් ලිපි වලද ජම්බුද්වීපය ගැන සඳහන් වේ.
( Epigraphia Indica volume 3 පිටු අංක 138-140)
2. ජාබල්පූර් තඹ සන්නස.
ඉන්දියාවේ මධ්‍ය ප්‍රදේශයට අයත් ජාබල්පුර් (jabalpur) පෞරාණික නගරයෙන් සොයාගත් ක්‍රිව 12 වන සියවසට අයත් යසකර්ණදේව රජුට අයත් සංස්කෘත බසින් ලියවුනු මෙම තඹ සන්නස ජම්බුද්වීපය ගැන සඳහන් කරයි. ( Epigraphia Indica Volume two. පිටු අංක 6 සහ Epigraphia Indica volume 15 part 2 - පිටු අංක 6)
3. Khalimpur ඵලකය.
ක්‍රිව 9 වන සියවසට අයත් පාල රාජවංශය ට අයත් ධර්මපාල රජුගේ ඵලකයක් වන මෙහිද ජම්බුද්වීප යනුවෙන් සඳහන් කර ඇති අතරම එහි ඊට අමතරව පාටළිපුත්‍ර නගරය ගැනද සඳහන් වෙයි.
( Epigraphia Indica volume 4 පිටු අංක 246-249)
4. Kurgod සෙල්ලිපි.
ක්‍රිව 12 වන සියවසට අයත් සංස්කෘත - ප්‍රාකෘත - කන්නඩ භාෂා වලින් ලියවුන Kurgod සෙල් ලිපි වල ජම්බුද්වීපය ගැන සඳහන් වෙයි.
(Epigraphia Indica volume 14 පිටු අංක 270- 271)
5. Bangarh grant of king mahipala.
පළවෙනි මහීපාල රජුගේ ක්‍රිව 10 වන සියවසට අයත් මෙම පලකයේ ද ජම්බුද්වීපය යන්න සඳහන් වෙයි.
(Epigraphia Indica volume 14 පිටු අංක 327)
6. Mutgi සෙල් ලිපි.
ක්‍රිව 12 වන සියවසට අයත් මෙම සෙල් ලිපියේ ද ජම්බුද්වීපය යන්න පැහැදිලිව සඳහන්.
(Epigraphia Indica volume 15 - පිටු අංක 34)
7. Sudi සෙල්ලිපි.
ක්‍රිව 12 වන සියවසට අයත් සය වන වික්‍රාමාදිත්‍ය රජුගේ සමයට අයත් ලෙස ගැනෙන මේ සෙල් ලිපි වලද ජම්බුද්වීපය ලෙස සඳහන්.
(Epigraphia Indica volume 15 - පිටු අංක 106)
8. The Amagachhi grant of Vigrahapala III.
තුන්වන විග්‍රහපාල රජුගේ කාලයට හෙවත් ක්‍රිව 11 වන සියවසේ මුල් කාලයට අයත් මෙම තඹ සන්නසේ ද ජම්බුද්වීපය ලෙස සඳහන්. (Epigraphia Indica volume 15 - පිටු අංක 297)
9. Madagihal සෙල් ලිපි.
ක්‍රිව 11 වන සියවසට අයත් මෙම සෙල් ලිපියේද ජම්බුද්වීපය ලෙස සටහන් වෙයි.
(Epigraphia Indica volume 15- පිටු අංක 319)
10. Mamdapur සෙල්ලිපිය.
ක්‍රිව 13 වන සියවසට අයත් ලෙස සැලකෙන මෙම සෙල් ලිපියේ ද ජම්බුද්වීපය ලෙස සටහන් වෙයි.
(Epigraphia Indica volume 19 - පිටු අංක 22)
මේ කාර්ය භාරය සර්වප්‍රකාරයෙන් සාර්ථක වේවා!
ReplyDeleteක්‍රි.පූ යුගයේ සෙල්ලිපි තියෙනවද එහෙම ඒවා ටිකක් වටිනවානේ පූර්ණ බ්‍රාහ්මීය අක්ෂර සෙල්ල්පි වගේ ඒවා ටිකක් ඉදිරිපත් කරන්න කෝ එතකොට ටිකක් හොදයි මොකද ඔයා කියන එයාලා ලංකාව තුලින් එහෙම ඒවා ගොඩක් ඉදිරිපත් කරනවානේ ඉතින් ඔයාටත් එහෙම ටිකක් ඉදිරියට ගේන්න බැරි වෙයිද
ReplyDeleteඇයි ඔයා නිහඬ එහෙම පැරණි සෙල්ලිපි තියෙනවා ද නැතිද෴
ReplyDeleteඅශෝක රජතුමාගේ සෙල් ලිපි https://en.wikipedia.org/wiki/Major_Rock_Edicts#Major_Rock_Edict_13 සහ https://en.wikipedia.org/wiki/Minor_Rock_Edicts (Minor Rock Edict No.1) වලිනුත් කියවෙන්නේ .........."තාඹරපන්නි" මෙහේ "ජම්බුද්වීප" එහේ........ තැන් දෙකක් බවයි.
ReplyDeleteසාස්‍රම් https://en.wikipedia.org/wiki/Sasaram කියන තැන "ජම්බුද්විප" කියලා කොටල තියෙනව .
මේ ලොකේෂන් එක (24.94138°N 84.03833°E) ගූගල් මැප් එකට දාගෙන බලන්න.
මෙතන https://www.youtube.com/watch?v=ZQrujGurOn8 තියෙන මුස්ලිම් පල්ලිය පැත්තක, ගල් ගුහාවක අඩි 4 x 8 යකඩ දොරකින් වහල තියෙන්නේ.
කල්සි https://en.wikipedia.org/wiki/Rock_edicts_of_Khalsi කියන තැන "තාඹරපන්නි" කියලා කොටලා තියෙනවා.
මේ ලොකේෂන් (Kalsi, Uttarakhand 248158, India) - (Sasaram, Bihar 821115, India) ගූගල් මැප් එකට දාගෙන බලන්න
මෙම කරුණු ඉන්දියාවේ පුරා විද්‍යාවට නොපනේන්නේ ද ?ඔහුන් බුදුන් වහන්සේ ඉන්දියාවෙ ඉපදුන බව සනාථ කල නොහැකි බව පවසන්නේ ඇයි?
ReplyDelete