විකෘතියට එරෙහිව

වර්ෂ 1896 සිට පේරාදෙණිය උද්භිද උද්‍යානයේ පාලකවරයා ලෙස කටයුතු කළ H.F. මැක්මිලන් මහතා සිය කෘතිවල 1. Tropical planting and gardening.(1910) 2.  Handbook of tropical planting and gardening.  cannon ball ශාකය ( සල් ලෙස වැරදියට හඳුන්වන ශාකය) 1881 වසරේදී ලංකාවට හඳුන්වා දුන් ආකාරයත්, එම පළමු ශාකයේ 1898 වර්ෂයේදී ප්‍රථම වතාවට ශ්‍රී ලංකාවේදී මල් පිපී ඵල හටගැනීමේන් පසු, ලංකාව පුරා ව්‍යාප්ත කළ බවත් සඳහන් කරන ආකාරය.

බුදු රදුන් ලංකාවේ බව පවසන සාක්ෂි වල මිත්‍යාව. අංක - 13 සත්‍ය සල් ගස කුමක්ද???? බුදු රදුන් ඉපදුන හා පිරිනිවන් පෑම යන අවස්ථා දෙකෙහි දීම සල් ගස ගැන බෞද්ධ සාහිත්‍යයේ සඳහන් වේ. මෙම නිවැරදි සල් ගස පිළිබඳව බොහෝ අයට නිවැරදි අවබෝධයක් නොමැති බව බොහෝ දෙනෙක් කරන ප්‍රකාශ වලින් තහවුරු වන කරුණකි. එබැවින් කුමක්ද මේ බුදු රදුන්ට සම්බන්ද නිවැරදි සල් ගස යන්න සොයා බලමු. විවාදයට තුඩු දී ඇත්තේ ගස් වර්ග දෙකකි. එනම් a) ලංකාවේ විහාරස්ථාන වල දක්නට ලැබෙන අප සල් යනුවෙන් හඳුන්වන ශාකය හා b) උතුරු ඉන්දියාවේ දක්නට ලැබෙන සල් හෙවත් සාල නමින් හැඳින්වෙන ශාකය යි. මේ ශාක දෙක ගැන කරුණු සලකා බලමු. 1) ලංකාවේ අප සල් යනුවෙන් හඳුන්වන ශාකය. a) කාලතුවක්කු උණ්ඩ ගස හෙවත් cannon ball tree යන නමින් හඳුන්වන මෙම ශාකයේ උද්භිද විද්‍යාත්මක නාමය Couroupita guianensis යන්නයි. b) එහි නමින්ම පෙනෙන පරිද්දෙන් මෙහි නිජභූමිය ආසියානු කලාපයෙන්ද බැහැර මධ්‍යම හා දකුණු ඇමරිකාවේ ඝර්ම කලාපීය වනාන්තර වලට හිමි වෙයි. c) මෙම Couroupita ගණයේ තවත් ශාක කිහිපයක් ඇති අතර ඒවා සියල්ල දකුණු ඇමරිකානු කලාපයට සීමාවී ඇත. d) මෙම ශාකයේ වසර ...

බුදු රදුන් ලංකාවේ බව පවසන සාක්ෂි වල මිත්‍යාව. අංක 12 පූජාවලිය කොටසක් ඉදිරිපත් කරමින් එහි සඳහන් වන බුදු වරයන් පහළ නොවන දේශයන් වලට නේපාලය ද අයත් වන බව පවසා බුදු රදුන් උපත ලද ලුම්බිණිය නේපාලයේ තිබිය නොහැකි බව මොවුන් පූජාවලියේ එම කොටස සාක්ෂියක් ලෙස ඉදිරිපත් කරයි. මේ පිළිබඳව සත්‍ය කුමක්ද යන්න මූලාශ්‍ර ඇසුරින් විමසා බලමු. මුලින්ම නේපාල ඉතිහාසය මදක් සොයා බලමු.  නේපාලය නමින් මේ දැන් හඳුන්වන රට බිහි වන්නේ 18 වන ශතවර්ෂයේ දී ප්‍රිත්වි නාරායන් ෂා රජු විසින් කැබලි තුනකට පැවති කුඩා රාජ්‍යයන් තුනක් හා තවත් ගෝත්‍රික කණ්ඩායම් එක්සේසත් කිරීමත් සමගයි. ඊට පෙර නේපාලය නමින් හඳුන්වන කොටස වූයේ කත්මණ්ඩු මිටියාවතේ පිහිටි කුඩා රාජ්‍යයකි. බුද්ධ කාලයේ පටන් මේ කත්මන්ඩූ මිටියාවතේ කුඩා රාජ්‍යයක් ලෙස නේපාලය පැවති ඇති අතර එහි රාජාවලිය පිළිබඳව ගෝපාල රාජවම්ශාවලි (Gopalarajavamsawali) නම් නේපාල වංශ කථාවේ සඳහන් වේ.  එහි මුල්ම රජු ලෙස Yalambar රජු ( මහාභාරත කෘතියේද සඳහන් වෙයි) හැඳින්වෙයි. එයින් පසු ඔහුගේ රාජවංශය මෙන්ම ලිච්චවි හා තවත් නේපාල රාජ වංශ කත්මන්ඩූ මිටියාවත පාලනය කරනු ලබයි.  අනතුරුව ...

අප මහා තිලෝගුරු සිද්ධාර්ථ ගෞතම බුදු රජාණන් වහන්සේගේ තෙමඟුල සමරන මේ උතුම් දිනයේ වෙන කවර කලකටත් වඩා අප සැලකිලිමත් විය යුත්තේ නිර්මල බුදු දහම විකෘති කරමින්, ත්‍රිපිටක දේශනා බොරු බව පවසමින්, බුදු රදුන් ඉපදුන බුදු උන ධර්ම දේශනා කළ හා පිරිනිවන් පෑ ස්ථාන මුළු මහත් බෞද්ධ ඉතිහාසයත් සමගම විකෘති කරමින් ගෙනියන විජාතික බලවේගවල අරමුණ නිෂ්ඵල කිරීමටයි. එය කළ හැක්කේ නිර්මල බුදු දහම හා නිවැරදි ඉතිහාසය සොයා දැන ගැනීම තුළිනි. සරාසංඛ්‍ය කල්ප ලක්ෂයක් පුරා සමතිස් පෙරුම් දම් පුරා සම්මා සම්බුද්ධත්වයට පත් උන්වහන්සේ අවබෝධ කළ ගැඹුරු ධර්මය දේව් මිනිස් සත්වයින්ට අවබෝධ කළ නොහැකි තරම් ගැඹුරු දහමක් වන බැවින් ඒ දහම දේශනා කරම්ද නොකරම්ද යන බව සිතූ උන්වහන්සේ අවසානයේ දහම දේශනා කරන්නට තීරණය කරනුයේ මහා බ්‍රහ්ම විසින් දේව් මිනිස් සත්වයන්ගේ යහපත පිණිස ධර්මය දේශනා කරන ලෙස ආරාධනා කිරීමෙන් පසුවය. දෙව් මිනිස් සත්වයන්ට අවබෝධ කිරීමට එතරම් අසීරු යැයි බුදු රදුන්ම දේශනා කළ දහම සුනීත සෝපාක වැනි අයත් අවබෝධ කළ බව පවසමින් සරලව කාටත් තේරෙන දහමක් බවට පත් කර විකෘති කර නිර්මල බුදු දහම විනාශ කරමින් පවතී. බුදු දහම අනුව නිවන් අවබෝධයට...

මධ්‍ය ලක්ෂයේ මිත්‍යාව..... බුදු රදුන් ලංකාවේ බව හා බුදු වරුන් හා සක්විති රජවරුන් පහළ වන්නේ මේ ශ්‍රී ලංකාවේ බව පවසන අය උපුටා දක්වන්නේ NASA ආයතනය මගින් එළිදැක්වූ පෘථිවියේ ගුරුත්ව සිතියම කී. එම සිතියම ඉතාම වැරදි ආකාරයට අර්ථකථනය කරමින් හිරිවඩුන්න පිහිටි බෝ ගසක් ලෝකයේ ගුරුත්වය අඩුම ස්ථානය හෙවත් මධ්‍ය ලක්ෂයේ පිහිටා ඇති බව පවසමින් එය බුදු රදුන් මෙරට සිටි බවට මහා සාක්ෂියක් කර දක්වති. නමුත් එම සිතියම පරීක්ෂා කර බැලීමේදී ගුරුත්වය අඩු ප්‍රදේශ ඉතා විශාල ප්‍රමානයක් හඳුනා ගත හැකි අතර එසේනම් පෘථිවියට මධ්‍ය ලක්ෂය විශාල ප්‍රමාණයක් ඇත. එබැවින් ඔවුනගේ තර්කය අනුව ඒ සෑම ස්ථානයක්ම බුදු වරුන් පහළ වීමට සුදුසු ස්ථාන වන්නේය. එසේම ශ්‍රී ලංකාව අවට පිහිටි අඩු ගුරුත්ව කලාපයේ මධ්‍ය ලක්ෂය ශ්‍රී ලංකාවට නිරිත දිගින් මුහුදේ පිහිටා ඇත. එමෙන්ම ගෝලයක මධ්‍ය ලක්ෂයක් ඇතැයි පැවැසීම කෙසේ පිළිගත හැකිද?? මෙවැනි බොරු මිත්‍යා මත මගින් බුදු රදුන් මෙරට සිටි බව තහවුරු කිරීමට යාමෙන් බිඳී යන්නේ බුදු දහම හා බුදු රදුන් පිළිබඳ සත්‍ය නොවේද....... NASA ආයතනයේ එම වීඩියෝ ලින්ක් එක.. https://svs.gsfc.nasa.gov/11234 ...

බුදු රදුන් ලංකාවේ බව පවසන සාක්ෂි වල මිත්‍යාව. අංක 09 මේ ඉතිහාස විකෘතිකයන් ගෙන එන ශ්‍රී මහා බෝධිය පිළිබඳ මතය සලකා බලමු. ඒ පිළිබඳව ඔවුන් කරුණු තුනක් මතු කර දක්වයි. 1. ඉන්දියාවේ බුද්ධගයාවේ පිහිටි බෝධිය අශෝක රජුගේ බිසවක් විසින් විනාශ කළ බවත්, එම බෝධිය සත්‍ය ශ්‍රී මහා බෝධිය නම් එසේ විනාශ කළ නොහැකි බවත් වසර 5000 ක් කල් දක්වා ශ්‍රී මහා බෝධිය පැවතිය යුතු බවයි. 2. ශ්‍රී මහා බෝධිය පිහිටි ස්ථානය ඊනියා බුද්ධ ශක්ති රේඛාවක ඇති බවත් එහි ඇති ඊනියා බුද්ධ ශක්තිය නම් ශක්තියක් හා අඩු ගුරුත්වය බුදු බව ලබා ගැනීමට අවශ්‍ය බවයි. 3. බෞද්ධයන් මගඵල ලබාගත යුතු නම් මෙම ශ්‍රී මහා බෝධිය ඇතුළු ස්ථාන හතර වැඳිය යුතු බවත් ඒවයෙ ඇති බුද්ධ ශක්තිය මගින් මාර්ග ඵලයට යොමු කෙරෙන බවත්ය. ශ්‍රී මහා බෝධිය පිළිබඳව ත්‍රිපිටක දේශනාවේ ඇති කරුණු ඇසුරින් මේ ගැන විග්‍රහ කර බලමු. 1. අරියපරීයේසන සූත්‍රය. බුදු රදුන් ගිහි ගෙයින් නික්මී ගොස් සත්‍ය සොයා ගවේෂණය කළ ආකාරය සහ බුදු බව ලබාගත් ආකාරය සිය ශ්‍රාවකයින්ට විස්තර වශයෙන් කිම මෙම සූත්‍රයේ අඩංගුය. මෙහිදී විවිධ ආචාර්යවරුන් හමුවී සත්‍ය ධර්මය සොයා ගිය අයුරු දේශනා කරන අතර පසුව උරුවෙල්...

මහාසම්මත හා මනු රජු එක් අයෙක්ද? දෙදෙනෙක්ද? මහාසම්මත මනු රජු යන ඒ යෙදුම බහුලව භාවිතා වන බැවින් ඒ ගැන සත්‍ය කුමක්ද යන්න සොයා බැලීම මෙහි අරමුණ විය. පුරාණ ලිඛිත මූලාශ්‍ර උපයෝගී කරගෙන සිදුකරන මෙමෙ විග්‍රහයේ දී පහත කරුණු සලකා බලනු ලැබේ. 1. මහාසම්මත රජු 2. මනු රජු 3. මේ දෙදෙනා එක් අයෙක්ද? මහාසම්මත රජු පිළිබඳ ලිඛිත මූලාශ්‍ර ගණනාවක සඳහන් වන අතර එකින් ඒක සලකා බලමු. 1. ත්‍රිපිටකය. ත්‍රිපිටකයේ අග්ගඤ්ඤ සූත්‍රයේ ලෝකය නිර්මාණය වීම හා සත්වයන් පහළ වීම ගැන විස්තර කරන අතර එසේ මුලින්ම ඕපපාතිකව පහළ වූ සත්වයන් අතර සම්මතයෙන් ඔවුන්ගේ පාලනය පිණිස පත් කරගත් පළමු පාලකයා/ රජු මහාසම්මත රජු විය. (ඡායාරූප අංක 01 හා 02) වාසෙට්ඨය, එසේ මහජනයා විසින් සම්මත කරණ ලද්දේය යන අර්ථයෙන් මහාසම්මතය, මහාසම්මතයයි කියා පළමුවන නාම (ව්‍යවහාර)ය ඇතිවිය ( අග්ගඤ්ඤ සූත්‍රය, මහාසම්මත රාජා. 130) මෙසේ මහාසම්මත රජු ගැන සඳහන් කරන ත්‍රිපිටකය මනු රජෙකු ගැන හෝ මහාසම්මත මනු රජෙකු ගැන සඳහන් නොකරයි. 2. මහාවංශය. මහාවංශයේ දෙවන පරිච්ඡේදය ආරම්භයේදී කල්පාරම්භයේදි සිටි මහාසම්මත නාරෙන්ද්‍රයා ගැන සඳහන් කරන අතර ( අංක 3 ඡායාරූපය) එහි...

බුදු රදුන් ලංකාවේ බව පවසන සාක්ෂි වල මිත්‍යාව. අංක 10 මහාවංශයේ පසළොස් වන පරිච්ඡේදයේ ඇති කොටසක් උපුටා දක්වන මේ විකුර්ථිකයන් සිව් බුදු වරුන්ම මේ හෙළ බිමේ වැඩ සිටි බව මහාවංශයේ ම සඳහන් බව පවසා ඇස් ඇත්තෝ දකිත්වයි පවසයි.  කුමක්ද මෙහි ඇත්ත... ඇත්තටම මහාවංශයේ මෙවැනි දෙයක් සඳහන් වෙනවද?? 1. ඔවුන් උපුටා දක්වන වාක්‍ය කාණ්ඩ ටික පමණක් සලකා බැලුවොත් එහි අදහස නම් මේ ලංකාද්වීපය කකුසඳ බුදු රදුන් ගේ කාලයේ ඔජදිප ලෙස හැඳින්වූ බව හා මහමෙව්නා උයනට( එකල මහා තීර්ථ) රකුසන් නිසා ඇතිවූ අසනීපයකට පිළියම් යෙදීම පිණිස කකුසඳ බුදු රදුන් වැඩම කළ බවයි. 2. මෙම පරිච්ඡේදයේ මහාවංශයේ මෙම කොටසේ විස්තර කරන්නේ දෙවන පෑතිස් රජු විසින් මිහිඳු හිමියන්ට මහ මෙව්නා උයන පූජා කිරීම සහ අනතුරුව මිහිඳු හිමි විසින් උයනේ විවිධ ස්ථාන වල අතීත වැදගත් කම රජුට පෙන්වා දීම පිළිබඳවයි.  3. මෙම පරිච්ඡේදයේ අතීත තුන් බුදු වරුන්ම මෙම උයනට වැඩම කර ඇති බව සඳහන් කර ඇති අතර කිසිම විටක එම බුදු වරුන් මේ ලංකාද්විපයේ පහළ වූ බව පවසා නැත. 4. එසේම කකුසඳ බුදු රදුන් කළ ලංකාද්වීපය ඔජදිප නමින් හැඳින්වූ බව පැහැදිලිව සඳහන් කර...

බුදු රදුන් ලංකාවේ බව පවසන සාක්ෂි වල මිත්‍යාව අංක 11. බුදු රදුන් ලංකාවේ බව පවසන මොවුන් ප්‍රචාරය කරමින් යන තවත් මතයක් නම් 1. බිම්බිසාර රජතුමා මරණයෙන් පසු යක්ෂ ගෝත්‍රික මනුෂ්‍යයෙක් ලෙස ඉපදුන බවත්. 2. වෛශ්‍රවණ හා විරුල්හ යනු මනුෂ්‍ය රජවරුන් බවත් සතරවරම් දෙවිවරු නොවන බවත්. 3. ඒ බව ජනවසභ සූත්‍රයේ සඳහන් වන බවත් ය. මේ කරුණු ගැන ජනවසභ සූත්‍රය ඇසුරින් විග්‍රහ කර බලමු. ත්‍රිපිටක දීඝ නිකායේ මහාවග්ග පාළියේ ජනවසභ සූත්‍රය අඩංගු වෙයි. එහි ආරම්භයේ ආනන්ද හිමිට ඇතිවන පැනයක් බුදු රදුන් ගෙන් විචාරීම ගැන සඳහන් වේ. එනම් මියගිය බිම්බිසාර රජු වැනි බුදු රදුන් ළඟින්ම සිට සත්කාර කළ, තෙරුවන් සරණ ගිය උපාසකයෙක් හා මගධයේ අනිත් මියගිය තෙරුවන් සරණ ගිය උපාසක උපාසිකාවන් නැවත උත්පත්තිය ලැබූ ස්ථාන ගැනයි. ආනන්ද හිමි විචාල ඒ පැනයට බුදු රදුන් දේශනා කළ කරුණු මේ සූත්‍රයේ අඩංගු වෙයි. එහිදී බුදුරදුන් මේ පිරිසේ කර්ම හා උත්පත්ති ගැන මෙනෙහි කරමින් සිටින අවස්ථාවක එහි පහළ වූ ජනවසභ දෙවි ගැන හා ඔහු පැවසූ කරුණු ආනන්ද හිමියන්ට විස්තර වශයෙන් දේශනා කරනු ලබයි. එහිදී ජනවසභ යනු මනුෂ්‍යයෙක් නොවන බව පැහැදිලි වන කරු...

බුදු රදුන් ලංකාවේ බව පවසන පිරිස ඉදිරිපත් කරන සාක්ෂි වල මිත්‍යාව- (01කොටස) පහත ඉදිරිපත් කර ඇති ඡායාරූපය. එහි සඳහන් පරිදි ඔවුන් ගංඟා නම් ගග පිළිබඳව සංයුක්ත නිකායේ ගංඟා නදී සූත්‍රයේ සඳහනක් සහ ග්‍රීක පඬිවරයෙකු වන ටොලමි විසින් ඇඳ ඇති සිතියමක් භාවිතා කරයි. ඔවුන් මෙහෙදි තහවුරු කිරීමට අදහස් කරන්නේ ගංඟා නම් ගඟ ලංකාවේ පිහිටා ඇති මහවැලි ගඟ වන බවයි. සංයුක්ත නිකායේ සඳහන් වන පරිදි පෙරදිගට නැමී, පෙරදිගට හැරී පෙරදිගට බරව ගමන් කරයි යන විස්තරය ලංකාවේ මහවැලි ගඟට ආදේශ කිරීමයි. නමුත් මෙහිදී පැහැදිලිව පෙනෙන කරුණ නම් මහවැලි ගඟ ගලන්නේ ඊසාන දෙසට නැමී ඊසාන දෙසට හැරී ඊසාන දෙසට බරව වන බවයි.           එසේම ගංඟා නම් නදිය පෙරදිගට නැමී, පෙරදිගට හැරී පෙරදිගට බරව ගමන් කරන බව ඔවුන් ඉදිරිපත් කරන පොටෝ එකේද පැහැදිලිව පෙනේ. එමගින් ඔවුන්ගේ තර්කය බිඳී යයි. ඔවුන් ඉදිරිපත් කරන අනිත් තර්කය නම් ටොලමි ගේ ශ්‍රී ලංකා සිතියමේ gange යන්න ලෙස හඳුන්වා ඇත්තේ ගංඟා නම් නදිය වන බවයි. නමුත් ටොලමි විසින් ඇඳ ඇති සිතියම් දැනට සොයාගැනීමට නොමැති අතර විවිධ අය විසින් එම මුල් සිතියම් වල ලබාග...