විකෘතියට එරෙහිව

ලංකාද්වීපය යනු ජම්බුද්වීපයේ ප්‍රත්‍යන්ත දේශයක් හෙවත් පරිවාර කොදෙව්වකි. ජම්බුද්වීපය, අපර ගොයානය, උතුරු කුරු දිවයින සහ පූර්ව විදෙහය යන සතර මහාද්වීප වලින් ගෞතම බුදු රජාණන් වහන්සේ සිය ඉපදීම පිණිස තෝරාගත්තෙ දස දහස් යොදුන් ජම්බුද්වීපය බව පූජාවලියේ එන පංච මහා විලෝකන සටහන අනුව පැහැදිලි වෙයි. මේ ජම්බුද්වීපය මධ්‍ය දේශය, ප්‍රත්‍යන්ත දේශ සහ පරිවාර කොදෙව් වලින් සමන්විත වන අතර බුදු වරු පහළ වන්නේ මධ්‍ය දේශයේ පමණි. මේ අනුව බුදු රදුන් ජම්බුද්වීපයේ මධ්‍ය දේශය තුළ වූ කෝසල ජනපදයට අයත් ශාක්‍ය ජනපදයේ පහළ විය.  එසේම බුදු රදුන් ජීවමාන කාලයේ මේ මධ්‍ය දේශයේ බුදු දහම පැතිරී ගොස් තිබිණි. පූජාවලිය සඳහන් කරන ආකාරයට ධර්මාශෝක රජු විසින් සිදුකල තුන්වන ධර්ම සංගායනාවට පසුව මොග්ගලීපුත්ත තිස්ස තෙරණුවන් විසින් මජ්ඣන්තික, මහාදේව, රක්ෂිත, යෝනක ධර්මරක්ෂිත, මහා ධර්මරක්ෂිත, මහාරක්ෂිත, මධ්‍යම, සොණ සහ මිහිඳු හිමියන් යන මහා තෙරවරුන් අමතා ~ ආයුෂ්මත්නි ! මතු හීන කාලයේහි මධ්‍ය මණ්ඩලයෙහි ජනශූන්‍ය වෙයි. ප්‍රත්‍යන්තයෙහි දේශවල් සමෘද්ධ වෙයි. එසේ හෙයින් තෙපි තෙපිද අපි සසරින් ගැලවුණුමෝ වේ දැයි උපේක්ෂා නොව ඒ ඒ දේශවලට ගොස් ශාසන පිහිටුවා...

බුදු රදුන් සිරිපතුල පිහිටවූ මක්කම ඇත්තේ ලංකාවේ ද? හෙළ බුදුන් කණ්ඩායමේ පිරිස් විසින් සමාජ ගත කරන තවත් මතයක් නම් බුදු රජාණන් වහන්සේ විසින් ශ්‍රී පාද ලාංඡනය පිහිටවූ මක්කම නම් ස්ථානය ලංකාවේ පිහිටි ස්ථානයක් බවයි.  ඔවුන් විසින් බුදු රදුන් ලංකාවේ බවට ගෙන යන සාවද්‍ය මතයට ව්‍යාජ රුකුලක් ලෙසද මෙම කරුණ නොයෙක් අවස්ථාවල ගෙන හැර පානු දක්නට ලැබෙයි.  ඉතිහාසය පිළිබඳ යම් මතයක් ඉදිරිපත් කරන්නේ නම් එය ඉතිහාස මූලාශ්‍ර අනුව තහවුරු වන කරුණක් වීම අත්‍යවශ්‍ය සාධකයක් වෙයි.  එබැවින් මේ මක්කම පිළිබඳ කතාව මූලාශ්‍ර ඇසුරින් විමසා බලමු. හෙළ බුදුන් කණ්ඩායම ගෙන හැර පාන මක්කම පිහිටවූ බුදු රදුන්ගේ ශ්‍රීපාදස්ථානය පිළිබඳ සටහන කඩයිම් පොත හෙවත් ශ්‍රී ලංකා නගර ගම් පොතේ මෙලෙස හඳුන්වා ඇත. ~~ තවද අප බුදුන් තුන්වන ගමනේ වඩිනා දිනයෙහි කැලනියට හා නර්මදා නම් ගංගාවට හා මක්කමට හා මෙකී ස්ථානයන්ට වැඩ ශ්‍රී පාද පද්ම ලාංඡනය කරවා සමන්තකූට මස්තකයෙහි පිහිටුවා වැඩි හෙයින්ද~~ එනම් මේ සටහන අනුව බුදු රදුන් තුන්වන වර ලංකාවට වැඩි දිනයේ දී සමන්තකූටය මත සිරිපතුල පිහිටුවීමට පෙර නර්මදා නදිය, මක්කම හා කැළණිය යන ස්ථාන වල ශ්‍රී පාදය පිහිටවූ...